“Psi” урнаштыру, кулланучы теркәү. 3енче өлеш: күп кулланучылы сөйләшүгә керү

Сәләм. “Пси”ны интернеттан алып кую белән аны урнаштыру һәм кулланучы теркәү турындагы язымталарымны укыдыгызмы әле. Шуларның дәвамын язам.
Кайсы төштә калдым: яңа, беренче кулланучы теркәгәч, сервердан “рәхим итегез” дигән хат килде.
Хәзер чат ягъни күп кешеле сөйләшү бүлмәсенә керергә өйрәтәм.
Дҗаббер чатны “конференция” диеп тә атайлар. “Чат”ны инглизчә “күп кулланучылы чат” диеп тә әйтәләр, чөнки инглизчә “чат” сүзе ул 2 кулланучылы сөйләшүне дә аңлата ала.
Хәзер күп кешеле сөйләшү бүлмәсенә керергә өйрәтәм. “Пси” программасының төп тәрәзәсендәге төп сайлакта “Общее” дигәнгә кереп аннан чыккан сайлакта “Войти в конференцию” дигәнгә керәсе:
төп сайлак
Менә мондай тәрәзә чыга:
күп кулланучылы сөйләшүгә керү
Анда менә шушы рәсемдә күрсәтелгәнчә язасы, Кукмара районы чатына керер өчен, ягъни, “Сервер:” турысына “conference.kukmara.ru” диеп язасы. Куштырнаксыз. “Комната:” турысына: “кукмара_районы”. “Ник:” турысына бер исем языгыз, чаттагы башка кешеләр сезнең шул исемегезне күрә. Мин “Динар” диеп яздым. Кайбер бүлмәдә, көйләнүенә карап, синең “q-dinar@kukmara.ru/Psi” рәвешендәге адресыңны дә белергә мөмкиннәр, ә кайбер бүлмәдәгеләр аны белә алмай, “Динар” дигәнне генә күрә. Бер ничә бүлмәдә бер юлы төрлесендә төрле исем белән “утыр”ып була.
Шушыларны язгач “Войти” дигәнгә басасы.
Чат ачылып китә.
Ул бүлмәдәге иң ахыргы бер бит тирәсе сөйләшү күренә, ул сөйләшүдәге кешеләр инде бүлмәдән чыгып киткән булырга мөмкин. Хәзерге, ягъни сез килеп кергән вакытта, бүлмәдә утырган кешеләр исемлеге уң яктагы баганада. :
күп кулланучылы сөйләшү
Шушында мон язымтамны тәмамлайм, мон “Пси” турындагы киләсе язымтамда “контакт” ничек өстәйсе икәнен язырмын, Алла бирса.

Июль-19 15:46 :
Менә бәйләнеш йагъни контакт ничек өстәйсе икәнене йаздым: 4енче өлеш: бәйләнеш өстәү.
Һәм менә мон йазымтада күрсәтелгәнчә синнең күп кешеле сөйләшүгә кереп чыгуың башка кешегә ничек күренгәнен күрсәтәм:
чатка кереп чыгу

Җавап калдыру

Сезнең e-mail адресыгыз һәркемгә ачык итеп куелмаячак.