Корбанов Динар сүзе

президентлыкка кемне сайларга?

qdinar — Thu, 23 Feb 2012 04:06:28 +0000

http://vk.com/wall17077748_791 :
укучылар, кемне сайларга? путинны сайласам буламы? күп кеше әйтә путинны сайлыйсы түгел, ә ни өчен? мин уйлыйм, ул ничектер шикле инде, бәлки чынлап та ул әшәкелекләр эшләп ятадыр. әгәр максат ничек тә булса путинны сайламау икән – мин зюгановны сайлар идем, чөнки мироновны сайласам, зюгановның да, мироновның да тавышы әз була ( минем шикелле сайлаучыларның тәэсире ) . әмма әйттеләр, социализмнан бер киттек, нигә анда кире кайтырга? шулай ук, әйткәнемчә, зюганов программасында ялганга охшаган әйберләр бар. мироновурыслар дәүләт төзүче халык дигән закон чыгармакчы була, моңа бер караганда түзәргә була, татарстан конституциясендә татарлар аерым әйтелгән бит, әмма, нәрсәгә кирәк икән андый закон аңа?.. (миңа аңлатыгыз, фикерләремне дөресләгез)

алла бирса өйдәге хостингымны бетереп сайтларымны бер түләүле хостингка күчерәм

qdinar — Thu, 23 Feb 2012 04:03:52 +0000

мин өйдәге хостингымны бетермәкче булам, алла бирса озакламый сайтларны бер түләүле хостингка күчерәм

Кукмара беренче татар мәктәбен кайтарыйк

qdinar — Fri, 27 Jan 2012 17:33:00 +0000

http://forum.kukmara-rayon.ru/viewtopic.php?pid=2169#p2169 дан копияләм язам, анда бу мәкаләнең тулырак, элеккерәк, 2 тапкыр зуррак 2 варианты да бар:

http://vk.com/wall-27354449_231 дан копияләп язам:

гәҗиткә мәкаләне а4 га сыйдырып язырга кушканнар иде. менә моны яздым:

Кукмара беренче татар мәктәбен кайтарыйк

Кукмара 1нче мәктәбендә төп фәннәрне урыс телендә укыта башлаганнар. Шулай итеп, Кукмара татар балалары 18 яшькә кадәр атна буе һәм көне буе диярлек урыс телендә сөйләшергә мәҗбүр ителә. Әмма бу мәктәптә тарих фәнен татар телендә укуны калдырганнар, ди. Кукмара халкының күбрәге татар булса да, без мәктәпсез калдык. Безгә татар телле мәктәбебезне тизрәк кире кайтарырга кирәк. Чөнки тизрәк кайтармасак, ул бөтенләйгә урыс телле мәктәп булып кала ала. Алла теләсә… Алай булса, бу Кукмарада чын татарларның юкка чыгуына китерәчәк, урысча сөйләшүче татарлар гына калачак. Урысча сөйләшүче кешеләрнең, мәктәп коллективының рухы үзгәрә.
Зур Кукмара белән Иске Пенәгәр мәктәпләре дә урыслашкан ди. Манзараста яңа ачылган мәктәп – урыс телле. Хәзер безгә иң якын татар мәктәпләре Пычак белән Байлангардадыр. Кукмара мәктәпләренең бөтенесе: 4 мәктәп, һәм училище белән кичке мәктәп урыс телле хәзер.
Чыгарылыш имтиханын урыс телендә генә рөхсәт итүче закон чыккан елны – 2008дә – безнең мәктәп урысча укытуга күчкән.
Татарстанда 9нчы сыйныфтан соң да “Бердәм дәүләт имтиханы” үткәрелә, һәм ул урыс телендә, ул Россиядә юк, Татарстанда сынап карау гына икән. Шулай итеп, Татарстанда гына сакланып калган диярлек татар телле, чын татарларга һөҗүм бара диеп уйларга була.
Кайбер кеше урысча укуны яклый һәм моны имтиханга әзерләнү өчен кирәк ди. Мин мәктәптә укыганда без дә югары уку йортларына керер өчен урысча имтихан бирдек. Мәктәптә татарча укып та аңа әзерләнү мөмкин.
Хөкүмәт безне шулай итеп урысча укырга мәҗбүриләгәндә, без бер сүз әйтмичә генә урысча укуга күчергә тиеш түгел. Мин уйлыйм, безнең мәктәп коллективы шушы хәлгә матбугатта ризасызлык белдерергә тиеш иде. Ризасызлык белдерү өчен vk.com/club27354449 төркеменә керә аласыз.
Татарча укуы уңайсыз диюче кешеләр бар. Мин моны беләм, өстәмә җәя тамгалары кулланып, яки кайвакыт кушымчаларны аерым язып, бу хәлне төзәтеп була. Мин моның турында шәхси сайтларымда яздым. Гарәп язулы татарча китапларда кушымчаларның аерым язылганын күргәнем бар, һәм структурасы буенча төрки телләр шикелле булган япон телендә кушып язу белән аерып язу юк. Европа телләрендәге предлоглар аерым языла, урыс һәм гарәп телендәге килеш кушымчалары үзләре өстәлгән берничә сүзнең ахырына гына түгел, һәрберсенә өстәлә. Программалау телендә ifa < 5then диеп язасы булса ул дөрес булмас иде.
Ислам диненә ышанучылар, Коръәндәге 30:22, 49:13 аятьләрен карагыз. Төрле телләр булуы – Аллаһының теләге. Халыклар Аллаһка буйсынуда узышсынга. Халыклар телләре белән дә аерыла, кеше чит халык кешесе булып кыйлана алмый. Без Аллаһы ясаган әйберне үзгәртергә тиеш түгел, 4:119 аятен карагыз. Һәм, Коръән китабында нәфес белән җан ул бер үк нәрсә, нәфес ул начар әйбер генә түгел, без акылны, Аллаһ кушканны тыңлаудан соң, ил законнарына буйсынудан соң, җаныбыз теләгәнне дә эшләргә хокуклы. Без урысча укуга беренче чиратта җаныбыз белән риза түгел бугай.

Кукмара беренче татар гимназиясендә укыган Корбанов Динар.

“вконтакте”да беркетелгән документларны бу блогта да беркетәм:
Татарча укуны кайтарыйк 3.odt
Татарча укуны кайтарыйк 3.doc
Татарча укуны кайтарыйк 3.docx

яшел төс белән күрсәтеп өстәдем. … тагы күп үзгәрешләр бар, редакциядәгеләр һәм мин ясаган, вконтактеда һәм форумда карагыз.

мунча пиче эченә йылга комы салып буламы

qdinar — Tue, 22 Nov 2011 20:44:06 +0000

мунча пичендәге ташлар арасына йылга комы салу яхшымы икән? мин уйлыйм, ул ташлар белән мунча стенасы арасындагы контактны яхшыртыр иде. кирпеч мунча һәм ташлар күз алына киләдер, әмма бу фикер миңа безнең хәзерге мунча пичен күргәч килде, ул тимер (корычтыр) стеналы (торбадан ясалган), эчендә таш урынына янган кирпечләр. миң аның ташлары яхшы җылынмый кебек тоелды.

реаль саннар турындагы иске сайтымдагы язмам турында

qdinar — Sat, 12 Nov 2011 05:02:30 +0000

реаль саннар турындагы иске сайтымдагы язма(лары)м турында. мин анда хәзерге математикада кабул ителгәненең дөрес түгеллеге турында язган идем. әллә ничә ел элек инде ул. шуннан соң, бер ел тирәсе элек, мин моның турында дедекинд язмасын укыдым. каты дәлилләгән. әмма барыбер, мин үз фикеремдә калам бугай… минем вариант дөрес димәйм, әмма ул вариант та бердән бер дөрес түгел бугай, шулай булгач, бары бер ул дөрес түгел булып чыга, чөнки анда аксиомалар турында дөрес язылмаган булып чыга… алла бирса, язырмын әле.

кар яуды

qdinar — Wed, 26 Oct 2011 17:22:45 +0000

хәзер кар яуган да, ятып та калган, бу көздә беренче тапкыр явуда ук, җиргә төшкәч үк эремәйчә, ятып калган

ноябырь-9 9:44 : ул кар әкрен генә 1-2 көндә юкка чыкты. кичә иртәнге якта, өченче көнме шунда, тагы кар яуды, күбрәк булып.

интернетта мин

qdinar — Wed, 26 Oct 2011 09:29:22 +0000

“интернетта мин” дигән битне нәшер иттем. мин инде моны берничә атна элек яздым, әмма анда берничә аңлатмасыз сылтама калган бит, менә шуларны язып бетерергә иренеп ачмыйча торган идем, һәм әле язылмыйча калган сылтамалар да бардыр. бүген ниһаять чыгардым. аңлатмасыз сылтамалар актив түгел иде, шуларны активлаштырдым да, нәшер иттем.
менә ул бит: http://qdinar.wp.kukmara-rayon.ru/internetta-min/ .

compaq d51s кә стандарт “блок питания” тоташтыру

qdinar — Wed, 05 Oct 2011 14:45:46 +0000

compaq d51s (evo d510) кә стандарт {компьютер “блок питания”се} тоташтыру.
мин интернеттан урысча һәм инглизчә сайтларны карый-карый һәм уйлап, белемемне кулланып, тоташтыра алдым, менә схемасын сыздым:
мин иске “материнская плата”дан зур “питание” ( бу сүз бөртеге әдәби татар телендә “туену”, әмма мин бәлки “туклану” диер идем… ) “разъём”ы алып, ватык “компак” “быпы”сының “разъём”ын бер аз чыбыгы белән кисеп алып, “переходник” ясадым.

өстәмә “ачкыч” ~~сүзләр~~ сүз бөртекләре (әдәби телдәге “сүз” сүзе миңа ошамый әле… мин ул мәгънәне “сүз бөртеге” диеп язам, әллә ничә йыл инде ), моны инглизчә блогыма язганчы, бәлки монда эзләп килерләр: “how to connect standart atx power supply to compaq evo d510 ( d51s ) motherboard”. Урысча да языйм әле: “как подключить стандартный блок питания atx к материнской плате компьютера compaq evo d510 ( d51s )”. ачкыч сүз бөртекләре генә түгел, фразалар (татарча “әйтем”, “сүз”ләр диергә буладыр) яздым инде, инглизчә белән урысча аерым язып тормасмындыр, алла бирса.

бу сайттагы яңа язмаларны rss укыгыч белән күзәтеп торыгыз

qdinar — Sun, 28 Aug 2011 17:49:47 +0000

мон сайттагы яңа язмаларны rss укыгыч белән күзәтеп торыгыз. әле генә уң баганада өстә шундый киңәш язып куйдым, ул мон блогның һәр битендә күренер, алла бирса. төгәле болай диеп яздым:
вакыт-вакыт бу блогны ачып карыйсыңмы? алайса, аны rss укыгыч арткылы күзәтеп торырга тәкъдим итәм. андый программада яңа язмалары сирәк чыга торган бер ничә сайтның яңалык тезмәләрен берләштереп була. мин белгән иң яхшы rss укыгыч – google.com/reader.

2012-2-23 8:9 : әле генә өстәдем: тагы бер укыгычны кулланып карый аласыз – https://mail.yandex.ru/neo2/#lenta .

авыл мәктәпләрен япмау ысулы

qdinar — Fri, 26 Aug 2011 17:36:19 +0000

авыл мәктәпләрен япмау ысулы. мин бу фикерне “белем ру” форумында әйткән идем инде. хәзер дөнья интернетлаша һәм интернетлашырга тиеш! ә интернет белән эшләп була торган эшне автобус белән алыштыру – бу прогресска, дөньяның хәзерге үсешенә каршы бару. ягъни, кечкенә мәктәпләрне бөтенләй бетерүгә яхшы альтернатива бар – үзәк мәктәптә һәм кечкенә мәктәптә (һәр класста) видеокамера белән зур монитор куерга, видеокамераны тотып төшереп тора торган кеше булса да әйбәт булыр иде, әмма, моны эшләп булмыйдыр, кечкенә мәктәпләрне шул мәктәп хезмәткәрләренә хезмәт хакы түләмәс өчен ябалардыр ич инде, видеокамера тотып тора торган кеше дә булса, һәр сыйныфка ике кеше кирәк була. 10 сыйныфка – 20. ә видеокамера тотып тора торган кеше үзәк мәктәптә генә булса да бәлки буладыр. бу хәзерге заманада мөмкинме – әйе, чөнки хәзерге заманда һәр өйдә диярлек булган таттелеком интернет челтәрендә татарстан эчендәге тизлек бик зур, гади адсл модем белән, җибәрү секунд саен 300 килобайт, алу секунд саен 1 мегабайт бугай, видесурәт җибәрергә җитә, мисал өчен, ютуб видеоларын карау өчен секунд саен 55 килобайт җитә.