Archive for Март 2012

Коръәндәге 86:7 аяте һәм фән

Минем Ислам диненә ышануым кимеп китте әле. Минем Исламга ышануым Коръән китабының хатасыз булуына, шул исәптән фәнгә туры килүенә һәм шуңа өстәп, анда Мөхәммәд пәйгамбәр заманында кешеләр белмәгән фәнни әйберләр язылган булуына нигезләнгән. Хәзер – кичә мин бер аятькә яңадан игътибар иттем: 86 нчы сүрәдә. Башта ул урынның татарча Ногъмани тәфсирен күрсәтим:

4. Юктыр һичбер кеше, мәгәр һәрбер кеше янында аның барча эшен язучы фәрештә бардыр.
5. Адәм баласы үзенә карасын нәрсәдән халык кылынды?
6. Халык кылынды ятакка коелган судан.
7. Ул су чыгадыр ирнең арка сөякләре арасыннан вә хатынның күкрәк сөякләре арасыннан.
8. Ул – Аллаһ үлгән кешене тергезергә, әлбәттә, кадирдер.

( http://kitap.net.ru/sura/86.php сайтыннан )
Монда 7 нче аять сүзен-сүзгә тәрҗемә ителмәгән. Чынлыкта анда “умыртка һәм кабырга арасыннан” дигән. Сүз уңаеннан, бу тәрҗемәдәге 6нчы аятьтәге “ятакка” дигән сүз чынлыкта Коръәндә юк.
Хәзер бу урынның гарәпчәсен күрсәтәм:

إِن كُلُّ نَفْسٍ لَّمَّا عَلَيْهَا حَافِظٌ

فَلْيَنظُرِ الْإِنسَانُ مِمَّ خُلِقَ

خُلِقَ مِن مَّاءٍ دَافِقٍ

يَخْرُجُ مِن بَيْنِ الصُّلْبِ وَالتَّرَائِبِ

إِنَّهُ عَلَى رَجْعِهِ لَقَادِرٌ

( http://www.crimean.org/islam/koran/arabic/86/7 сайтыннан )
Хәзерге фән буенча ничек кеше умыртка белән кабырга арасыннан чыккан судан яки сыеклыктан ясалган? Кабырга бит ул югарыда, аның белән умыртканың арасы да югары була. Аннары кабырганың алгы ягының иң астыннан умыртканың иң астына “диагональ” итеп сызык сузып, шул сызыктан өстәрәк урынны да умыртка белән кабырга арасы диеп санарга мөмкин. Хатын-кызның күкәй күзәнәкләре шулай югарыда урнашкан булырга мөмкин. Ярар, менә бит бер соравыма үзем дә җавап таптым. Өлешчә булса да туры килгәч, бу аятьне дөрес диеп санап була инде. Фикеремне дәвам итәм. Ә ир кешенең күкәй күзәнәкләре әллә кайдагы астагы күкәйләрдән чыга бит? Коръәндә су турында әйтелә, ә сыеклыгы да аста ясала, “простата” бизендә, минем белүемчә.
Бер Гуглның кеше тән төзелеше картасы сайтына кереп чыгасым бар әле, әллә ничә ел инде линукста утырам, ул карта чыкканда линукста идем инде, шуңа күрә бер дә кереп караганым юк әле.

март-29 8:51 : мәкаләнең исемен үзгәртәм. элекке исеме “Кызганыч, иманым кимеп китте әле”, адресы “qozganoc-imanom-kimip-kitti-ali”.

латинлаштыргыч функцияне “сатам”!

сәләм.
мин бер сыйфатлы, хәзер дөньяда булган иң сыйфатлысыдыр, татар телле текстны хәзерге рәсми язудан 1999 нчы елны планлаштырылган һәм 1928нче елдан соң кулланылган латин язуларына әйләндергеч функцияне халыкка сатам! php телендә язылган. бәясе 2500 2000 1000 сум. кем түлисе килсә шул түлей. түләнгән акчаларның суммасын, вакытын, теләсәгез, түләгән кешенең исемен дә язып барырмын, алла бирса. бу акча җыелгач, мин ул функцияне интернетта ачып салырмын, gnu gpl 3 лицензиясе белән, алла бирса. > апр-22 17 45 лицензия белән бәя турында астарак яздым <
минем интернеттагы акча савытлары:
яндекс деньги : 41001155741917
вебмани : R677802459003
пейпал : qdinar@gmail.com

сез ул функциянең эшен http://aylandirow.tmf.org.ru/ сайтында күрә аласыз.

апрель-11 10:46 : бәяне 2000 гә төшерәм. 10:57 : латинлаштырылган битләрдәге игъланда “Bu latinlaştırğıç php funktsiəsen barça xalıqqa 2000 sumğa satmaqçımın” диеп бу биткә сылтама куйдым.

апрель-22 17:43 : мондый план: 1000 сумга гну агпл 3 , тагын 500 өстәгәч – гну гпл 3, тагын 500 сум өстәгәч – гну лгпл3 һәм/яки апачи 2.

татар вузы

сәләм.

бер көнне кайдандыр укыдым: татар вузын ачтыртмаганнар. әмма мин моның белән килешеп бетмим. матбугат ру да сөйләшү булды, анда сафиуллин фәндәс язмасына сылтама булды. беренчедән, ул язмасын урыс телендә язган. ярар инде, монысын аңларга була. икенчедән, ул язган: татар вузында инглизчә укытмакчы идек! шаккаттым! аллага шөкер, бик дөрес эшләгәннәр, ул куштырнак эчендәге татар вузын ачтыртмыйча, алай булгач. өченчедән, мин үзем аерым вуз ачу мөһимлелеге белән килешеп бетмим, булган вузларда группалар да ярап тора.

тагын укыдым: татар вузының башлангычы булган татар гуманитар институтын япканнар. әмма минем анда кереп чыкканым бар иде, анда татар телендә укыту әллә ни күп түгел иде диеп беләм, бик әз иде.

майсиквельда язма бетерү

майсиквельда язма бетерү. минем бер скриптта спамнар җыелды. узган язмада әйткән майсиквельга керүем шуларны бетерү өчен.
башта мин ахыргысын гына бетереп карадым:
delete from mysql1_tawos where waqot=2012-03-08 11:09:44;
бу эшләмәй!!
delete * from mysql1_tawos where waqot=2012-03-08 11:09:44;
бу да эшләмәй!!
аннары гуглда “mysql delete” диеп эзләп табып майсиквель сайтыннан карап башкача язасы икәнен белдем:
delete from mysql1_tawos where waqot=’2012-03-08 11:09:44′;
бу эшләде!
аннары бөтенесен бетередем:
delete from mysql1_tawos where waqot ‘2011-12-03’;
эшләде.

инглизчә “delete” – “бетер”. “where” – урысчасы “где”. “from” турында узган язмада әйттем.

таблитса эчтәлеген карау

сәләм. мин майсиквель белән шөгыльләндем, ә блогка язмадым. мин инструкцияләрне карый-карый гына пхп скриптлар ясадым, терминалда эшләмәдем. һәм менә бүген терминалга кереп бер чсаган таблитсамны карамакчы булдым. шунда миңа үземнең язган шушы язмаларым да булышты. һәм менә нинди проблема килеп чыкты: татар, хәтта кириллица хәрефләрен “?” белән күрсәтте. әмма мин моны чиштем. башта ничек таблитса эчтәлеген караганны әйтәм:
узган язмаларда әйткәнчә, кердем, таблитсаны сайладым, аннары таблитса төзәелешен карадым.
аннары болай иттем:
select * from mysql1_tawos;
ләкин, әйткәнемчә, хәрефләр дөрес чыкмады. аннары мин әйттем:
SET CHARACTER SET utf8;
аннары тагы:
select * from mysql1_tawos;
эшләде!

инглиз телен белгән кешегә җайлы аңлашыла бу әмерләр. селект – сайла. фром – урысча “из”. сет – кую. характер – хәреф. сет – җыйылма.

игътибар. кызганыч, сез минем язмаларны укып кына моны тикшереп карай алмайсыз әле, чөнки мин бу эчтәлекне таблитсага ничек язасы икәнен монда язмадым.

тешегезне һәр ашаганнан соң щетка һәм паста белән чистартыгыз

[бүтән бер кайчан да теш врачына барырга теләмәсәгез, ] тешегезне һәр ашаганнан соң щетка һәм паста белән чистартыгыз!